ეროვნული ფორუმის ყოფილი პოლიტიკური მდივანი გუბაზ სანიკიძე დემოკრატიულ მოძრაობას შეუერთდა. სანიკიძის სამომავლო გეგმებზე ბრიფინგზე დღეს ნინო ბურჯანაძემ ისაუბრა.მან მომხდარს მნიშვნელოვანი და პრინციპული მოვლენა უწოდა. „ბატონი გუბაზ სანიკიძე დღეს არის ჩემს გვერდზე, ჩემს თანაპარტიელებთან ერთობლივად ის გააგრძელებს პოლიტიკურ ბრძოლას და მე ვთვლი, რომ ეს არის ჩვენი პარტიისთვის ძალიან მნიშვნელოვანი და პრინციპული მოვლენა,“ – განაცხადა ნინო ბურჯანაძემ.ეროვნული ფორუმის ყოფილმა ლიდერმა კი, გადაწყვეტილება საგარეო მიმართულებით მუშაობის გააქტიურების საჭიროებით ახსნა.„ჩემი გადაწყვეტილება განსაზღვრა იმ ვითარებამ, რაც ქვეყნის შიგნით არის შექმნილი და ძალიან მნიშვნელოვანია საგარეო ფაქტორები. ეს მიმართულება არის გასააქტიურებელი და რაც მთავარია, ინტენსივობამ უნდა მოიმატოს. საქართველოს არ აქვს აზიზობის უფლება,“ – აცხადებს სანიკიძე.