ეკო აქციის ფარგლებში კოკის საჯარო სკოლაში ნერგები დარგეს

ზუგდიდის მუნიციპალიტეტის კოკის საჯარო სკოლის მოსწავლეები აქტიურად არიან ჩართულნი CENN–ის (კავკასიის გარემოსდაცვითიარასამთავრობო ორგანიზაცია) მიერ ორგანიზებულ სასკოლო კონკურსში ნიკო კეცხოველის I,II და III ხარისხის პრემიის მოსაპოვებლად. სკოლაში ჩამოყალიბებულია ეკოჯგუფი, რომელიც აქტიურად მონაწილეობს ეკოლოგიური პრობლემების გამოვლენასა და მოგვარებაში.10 ნოემბერს ჩვენს სკოლას CENN–მა საჩუქრად გადმოსცა 20 ძირი ნერგი (პანტა–5 ცალი, მუხა – 5 ცალი, სოჭი–5 ცალი და აკაცია –5 ცალი). ნერგების დასარგავად სკოლის ტერიტორიაზე წინასწარ მოხდა სქემის მიხედვით ორმოების ამოღება და მიმდებარე ტერიტორიის გასუფთავება. ნერგების დარგვაში მოსწავლეებთან, მასწავლებლებთან და დირექტორთან ერთად მონაწილეობა მიიღო სოფელ კოკის რწმუნებულმა რევაზ ხუბუამ, რომელმაც აღნიშნა, რომ გამწვანების პროცესი ჩვენს რეგიონში უნდა გაგრძელდეს.მოსწავლეების მიერ თემის გამოკითხვამ ცხადყო, რომ მოსახლეობა შეწუხებულია მწვანე საფარის გამეჩხერების გამო და გამოხატავს მზადყოფნას, რომ თვითონაც მიიღოს მონაწილეობა ამ საშვილიშვილო საქმეში.

ეკო აქციის ფარგლებში კოკის საჯარო სკოლაში ნერგები დარგეს

სიახლეები

აშშ-ის საჰაერო ძალების სამხედრო-სატრანსპორტო თვითმფრინავი მოსკოვის აეროპორტში დაეშვა

ღარიბაშვილის საქმეზე წინასასამართლო სხდომა 19 ოქტომბერს გაიმართება

29 481 აბიტურიენტი სტუდენტი გახდა-ერთიანი ეროვნული გამოცდების შედეგები ცნობილია

ბრალდება წარედგინა კაცს, რომელიც არასრულწლოვან შვილებს მოწყალების თხოვნას აიძულებდა