არასრულწლოვანი გოგონა, რომელიც დღეს დილით ზუგდიდის ბოტანიკურ ბაღში ხეზე ჩამომხრჩვალი იპოვეს ,16 წლის მარიამ მ-ია აღმოჩნდა.
გოგონა ე.წ შონიას ტექნიკუმის შენობაში უმცროს და-ძმასთან ცხოვრობდა და მათ უვლიდა. ოჯახი სოციალურად დაუცველია და ფინანსურად ძალიან უჭირთ. ბავშვები სულ დახეული ფეხსაცმლით დადიოდნენ, ზამთრობით სიცივით ითოშებოდნენ, პურსაც ხშირად მეზობლები ვაწვდიდით – ჰყვებიან ,,ოდიში ნიუსთან'' საუბარში ტექნიკუმის შენობის ბინადრები. – ბავშვების დედ-მამა წლების წინ გაშორდა ერთმანეთს, დედა ხშირად დადიოდა საზღვარგარეთ, თურქეთში სამუშაოდ, 4 თვის წინ კი გათხოვდა, მამა კი ბავშვებისგან განცალკევებით, სოფელ ორსანტიაში ცხოვრობს და სასმელს ეტანება. "ეს ბავშვები უპატრონოდ იყვნენ დარჩენილები, მარიამი იყო დედაც და მამაც თავისი და-ძმისთვის ' . უმცროსებს სკოლაში არ უვლიათ, თავად მარიამი კი იძულებული გახდა სკოლიდან მეცხრე კლასის შემდეგ გამოსულიყო და საოჯახო საქმეებით იყო დაკავებული.
არასრულწლოვანი დღეს დილით ზუგდიდის ბოტანიკურ ბაღში ხეზე ჩამომხრჩვალი გამვლელმა იპოვა. გამოძიება სისხლის სამართლის კოდექსის 115 -ე მუხლით მიმდინარეობს, რაც თვითმკვლელობამდე მიყვანას გულისხმობს.