,,მე მგონი, გასაგებია, რასთან გვაქვს საქმე. ნიკა გვარამია უკვე ძალიან დიდი ხანია ბიძინა ივანიშვილის ხელისუფლების სამიზნეა და, შესაბამისად, ის, რაც სრულიად შეესაბამება მისი გამოხატვის თავისუფლებას, სუს-მა პოტენციური სამართლებრივი შევიწროვების მიზეზად გადააქცია” – ასე ეხმაურება ერთიანი ნაციონალური მოძრაობის დეპუტატი სალომე სამადაშვილი ნიკა გვარამიას დაბარებას სუს-ში ფეისბუქპოსტთან დაკავშირებით
,,ეს არის იმ ქვეყნის სუს-ი, რომელსაც აქვს ძალიან სერიოზული გამოწვევები და იმის ნაცვლად, რომ სუს-ი დაკავებული იყოს იმ საქმით, რომელიც მას ევალება, ის ივანიშვილის ხელში პირდაპირ პოლიტიკური დევნის ინსტრუმენტადაა ქცეული” – ამბობს სალომე სამადაშვილი.
სახელმწიფო უსაფრთხოების სამსახურმა მთავარი არხის გენერალური დირექტორი ნიკა გვარამია Facebook-პოსტის გამო, სადაც ის “უზურპატორი ხელისუფლების დამხობაზე” საუბრობდა, გამოკითხვაზე დაიბარა.