მთავარისიახლეებისაზოგადოება"მე გიხდით ბოდიშს, რომ დროულად არ ჩადგა თქვენს შორის პოლიცია, უბრალოდ ჩემთან...

“მე გიხდით ბოდიშს, რომ დროულად არ ჩადგა თქვენს შორის პოლიცია, უბრალოდ ჩემთან საუბარს შემორჩა..”- ჯანო ჭკადუა

Published on

ზუგდიდში გუშინდელ აქციას სოციალურ ქსელში საიას ზუგდიდის ოფისის ხელმძღვანელი ჯემალ ჭკადუა გამოეხმაურა. იურისტი ყურადღებას ამახვილებს პოლიციის არაკომპეტენტურობაზე და ირონიულად საკუთარ თავზე იბრალებს იმას, რომ სამართალდამცავებმა აქციაზე, სადაც იყო ცოცხების, კასრების, ბოქლომების სროლა, მისვლა შეგნებულად დააგვიანა და ორ დაპირისპირებულ მხარეს შორის ჩამდგარი მედია მარტო დატოვა. “ოდიშინიუსი” ჯემალ ჭკადუას პოსტს უცვლელად გთავაზობთ:

” ბოლო დღეების განმავლობაში, პოლიტიკური პარტიების მიერ ორი აქცია ჩატარდა ზუგდიდში.
პირველი აქციის დროს ოპოზიციის წარმომადგენლებმა მაჟორიტარი დეპუტატის ბიოროსთვის ბოქლომის დადება სცადეს. აქციის მონაწილეებს ბიუროსთან მართველი პარტიის მხარდამჭერები დახვდნენ. შუაშია პოლიციის თანამშრომლები ჩადგნენ. ორივე მხარეს აქციის 30-30_მდე მონაწილე იყო და ამავე ოდენობით პოლიცია.
დღეს, ოპოზიციის წინააღმდეგ გამართულ აქციაზე, ერთ მხარეს მმართველი პარტიის 200_მდე მხარდამჭერები იყო, ოპოზიციის მხარეს _ 50 მდე, მათ შორის კი ჟურნალისტები იდგნენ, სხვა არავინ.
იყო სიტყვიერი შელაპარაკება, ცოცხები, კასრები, ყავარჯნები, მინის დაზიანება და ა. შ მაგრამ ორივე მხარემ შეძლო, რომ აქცია ფიზიკურ დაპირისპირებაში არ გადაზრდილიყო..
მგონი რაღაც დამავიწყდა, ა ხო, პოლიცია.. ალბათ იკითხავ პოლიცია სად იყო?! სად და ჩემს გვერდით იდგა, მე მოვაცდინე.. ჩემი, ჩემი ბრალია, რომ პირველი 15 წუთი შორიდან უყურებდა თუ რა ხდებოდა აქციის წევრებს შორის… მერე ორივეს ერთად გაგვახსენდა, რომ პრევენციის მიზნით აქციის მონაწილეებს შორის პოლიცია უნდა ჩამდგარიყო.. მერე რაა, რომ დააგვიანა! თავიდანვე არ დადგა! მერე რაა, რომ დაპირისპირებულ მხარეებს შორის არავინ იდგა და მოხუც ქალს ცოცხი რამოდენიმეჯერ ჩაარტყეს!… მთავარია ბებომ “აბაროტი” არ მისცა და ფიზიკური დაპირისპირება არ მოხდა…
მე გიხდით ბოდიშს, რომ დროულად არ ჩადგა თქვენს შორის პოლიცია, უბრალოდ ჩემთან საუბარს შემორჩა… “- წერს ჯემალ ჭკადუა.

სიახლეები

ევროკავშირმა რუსეთის წინააღმდეგ სანქციები გააფართოვა

ევროკავშირმა რუსეთის წინააღმდეგ სანქციების სია გააფართოვა. ახალი შეზღუდვები 12 ფიზიკურ პირსა და 101 ორგანიზაციას...

ევროკავშირმა უკრაინისთვის €8 მილიარდის გადარიცხვა დაამტკიცა

ევროკავშირის საბჭომ Ukraine Facility-ს პროგრამის ფარგლებში კიევისთვის თითქმის 8 მილიარდი ევროს გადარიცხვა დაამტკიცა, რაც...

ყირიმის ხიდზე დარტყმის შედეგად ერთ-ერთი თაღი ჩამოინგრა

ყირიმის ხიდზე მორიგი იერიში განხორციელდა, რასაც ძლიერი აფეთქებები მოჰყვა. დარტყმის შედეგად ხიდის ერთ-ერთი თაღი...

ოჯახის წევრის მიმართ, შეკვეთით განზრახ მკვლელობის მომზადების ბრალდებით, ერთი პირი დააკავეს

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, ინტენსიურ რეჟიმში ჩატარებული ოპერატიული ღონისძიებებისა და...