მცხეთის მერიასთან “ქართული ოცნების” მხარდამჭერებმა ზაალ უდუმაშვილს ბოთლი და ცოცხი ესროლეს. შემთხვევა მაშინ მოხდა, როცა იგი პირდაპირ ეთერში კომენტარს აკეთებდა.
„რაღაც მძიმე მოხვდა, მაგრამ ეს არაფერია. ეს არის ამ ხელისუფლების სახე, თუ როგორ ცდილობენ ძალაუფლებას ჩაებღაუჭონ. ამ ათიოდე დაგეშილი ადამიანის წყალობით ცდილობენ ამას“, – განაცხადა ზაალ უდუმაშვილმა
სამართალდამცველების თქმით, პირი, რომელმაც ზაალ უდუმაშვილს აღნიშნული ნივთები ესროლა, დაკავებულია.
ამ ინფორაციას შინაგან საქმეთა სამინისტროში ადასტურებენ.
მათი ინფორმაციით, აღნიშნული პირი ადმინისტრაციული სამართალდარღვევათა კოდექსის 166-ე (წვრილმანი ხულიგნობა) და 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) მუხლებით არის დაკავებული.
ოპოზიციის წარმომადგენლები გუშინდელ შემთხვევას აპროტესტებენ და სოლიდარობას უცხადებენ დაშავებულ ახალგაზრდებს, რომლებიც “ქართული ოცნების” მხარდაჭერებმა სცემეს.
მცხეთის მერიასთან სამართალდამცავთა უპრეცედენტო მობილიზებაა.