ხელისუფლება კონტრაქციებისთვის ემზადება და რეგიონებიდან თბილისში “ოცნების” საჯარო მოხელეები და აქტივისტები ჩაჰყავს. რეგიონებიდან დედაქალაქში საჯარო მოხელეების უმრავლესობის მობილიზება იწყება, ადგილზე მხოლოდ ვერტიკალი და რამდენიმე, აუცილებელი ქვედა რგოლის მოხელეები დარჩებიან.
როგორც ,,ნიუპოსტი” თავის წყაროზე დაყრდნობით წერს, ზესტაფონში, ქუთაისში, სამტრედიაში და ფოთში საჯარო მოხელეებმა სმს-ით მიიღეს დამატებითი ინფორმაცია იმის შესახებ, თუ სად უნდა გამოცხადდნენ თბიულისში წასასვლელად.
საჯარო მოხელეების გარდა რეგიონებიდან სტუდენტებიც მიყავთ, ცნობილი ხდება, რომ სტუდენტების მობილიზებაში ბათუმიდან უნივერსიტეტის თვითმმართველობაა ჩართული.