სამოქალაქო მოძრაობამ „შეცვალე“ გენერალურ პროკურატურასთან საპროტესტო აქცია გამართა. როგორც აქციის მინაწილეებმა განაცხადეს, გენერალურ პროკურატურასთან პროტესტი იმ მიზეზით გამოხატეს, რომ გენერალური პროკურორის მოადგილემ, გიორგი გოგაძემ თბილისში მიმდინარე საპროტესტო აქციის მონაწილე ახალგაზრდებს დესტრუქციული ძალები უწოდა.
„შევიკრიბეთ იმისთვის, რომ გავაპროტესტოთ გიორგი გოგაძის ის სიტყვები და შეურაცხმყოფელი ფრაზები, რომლითაც ჩვენ მოგვმართავს. მოვიტანეთ გამადიდებელი შუშა, რათა შევამოწმოთ მისი შუბლის ძარღვი, რამდენად ექვემდებარება აღდგენას. სწორედ ეს არის სიმბოლური ქმედება, რითაც ჩვენ პროტესტს გამოვხატავთ და მოვუწოდებთ მას, რომ ჩვენი, ახალგაზრდების მიმართ შეურაცხმყოფელი ფრაზები აღარ გამოიყენოს “, – განაცხადა მოძრაობა „შეცვალეს“ ერთ-ერთმა წევრმა, ვანო გომურაშვილმა.