ზუგდიდის მუნიციპალიტეტის საკრებულოს რიგგარეშე სხდომაზე საკრებულოს თავმჯდომარედ მაიზერ ნანავა აირჩიეს.
სხდომის დასაწყისში მოქმედმა საკრებულოს თავმჯდომარემ ლაშა გოგიამ უფლებამოსილება მოიხსნა, ამის შემდეგ ხმათა უმრავლესობით თავმჯდომარედ აირჩიეს მაიზერ ნანავა, რომლის კანდიდატურა საკრებულოს 26-მა წევრმა წარადგინა ამ თანამდებობაზე.
საკრებულოს 44 წევრიდან 30 წევრი ესწრებოდა.
შეგახსენებთ, ლასა გოგია მუნიციპალიტეტის საკრებულოს თავმჯდომარის პოსტს 2014 წლიდან იკავებდა. მისი წასვლა ამ თანამდებობიდან საქართველოში ახლახან ჩატარებულ არჩევნებს უკავშირდება – მან ზუგდიდის მუნიციპალიტეტის გამგებლობის არჩევნებში გაიმარჯვა.