“ქართული ოცნება – დემოკრატიული საქართველოს” აღმასრულებელი მდივნის ირაკლი კობახიძეს განცხადებით, საპროტესტო აქციას 200 ადამიანი მართავს და ეს რაოდენობა ვერანაირ შედეგს ვერ გამოიღებს.

მისი განცხადებით, უმრავლესობის დეპუტატებს ემოციების დარეგულირება უწევთ.

“ასეთი არა ერთი პრეცედენტი ყოფილა. იმის გათვალიასწინებით, რომ 10:00 საათზე იყო ჩანიშნული საკომიტეტო მოსმენები, დაიგეგმა 09:00 საათზე უმრავლესობის შეხვედრა. კიდევ ერთხელ გავიმეორებ, იქით გვიწევს უმრავლესობის დეპუტატების ემოციების დარეგულირება, რომ ამ 200 კაცთან დაკვშირებით, რამე ინციდენტი არ მოხდეს. შესაბამისად, კარგად შეაფასონ საკუთარი რესურსები და 200 კაცით მუშტებს ნუ აბრახუნებენ. 200 კაცის მუშტების ბრახუნი არის საშიში იმ 200-ვე კაცისთვის. რესურსი როცა არა გაქვს, უნდა შეეგუო იმას, რომ მიილევი საბოლოოდ,” – განაცხადა ირაკლი კობახიძემ.