,,სანდრა რულოვსმა კი არ მოხსნა თავისი კანდიდატურა, არამედ გამოეთიშა წინასაარჩევნო კამპანიას“, – ასეთი კომენტარი გააკეთა“ქართული ოცნების“ ზუგდიდის მუნიციპალიტეტის მაჟორიტარი დეპუტატობის კანდიდატმა ედიშერ თოლორაიამ ჟურნალისტებთან ინგირში, 94-ე საარჩევნო უბანზე ხმის მიცემის შემდეგ. – მე პირველ ტურშიც გავიმარჯვე და ახლაც დარწმუნებული ვარ გამარჯვებაში.''
მას აქვს ამ რწმენის საფუძველი, რადგან ველი საფუძვლიანად მოუსუფთავეს და მუნიციპალიტეტის მოსახლეობის ის ნაწილი, რომელმაც პირველ ტურში, მიუხედავად არნახული ზეწოლისა, სანდრა რულოვსს მისცა ხმა, მაგრამ შედეგები გაუყალბეს და განმეორებითი კენჭისყრისა და მეორე ტურისთვის მძლავრი ფსიქოლოგიური წნეხის ქვეშ მოაქციეს, ისევე როგორც კორცხელის, განმუხურის, კოლხიდისა და სხვა სოფლების მოსახლეობა, გამოუცხადებელი ბოიკოტის რეჟიმში იმყოფება.