ბათუმის 63-ე უბანზე ხმის მიცემა სცადეს მოქალაქეებმა, რომელთაც ხელზე მარკირება აღენიშნათ ანუ უკვე მიცემული ჰქონდათ ხმა სხვა უბანზე. საუბნო კომისიის თავმჯდომარის რამაზ სეფერთელაძის განცხადებით, პირებმა, რომლებსაც ხმის მიცემა უნდოდათ, მაგრამ ხელზე მარკირება დაუფიქსირდათ, მიზეზად დაასახელეს ის, რომ ჭამეს მანდარინი, თუმცა კომისიამ ეს არ ირწმუნა და უბანზე არ დაუშვა ისინი.
"მანდარინს ჭიშკართან არიგებენ, თუ რა ხდებოდა არ ვიცი. ვისაც ჰქონდა მარკირება ხელზე, მიზეზად დაასახელა, რომ ჭამა მანდარინი. დაიბანეს ხელი, მაგრამ მაინც ჩანდა მარკირების კვალი. უარი ვუთხარით, არ მივაცემინეთ ხმა და განაწყენებული წავიდნენ. სამი ადამიანი ძალიან გაჯიუტდა, წინააღმდეგობა გაგვიწია, მათი პირადობების ქსეროასლები გადავიღეთ და გვაქვს საქმეში. მანდარინი ჩვენს წინააღმდეგ გამოიყვანეს", – აღნიშნა რამაზ სეფერთელაძემი ინტერპრესნიუსთან საუბარში