სამართლიანი არჩევნების“ დამკვირვებლების ინფორმაციით, დაფიქსირდა საარჩევნო დოკუმენტაციის არასათანადოდ წარმოების 6, დამკვირვებლის უფლებების შეზღუდვის 2, წილისყრის პროცედურის დარღვევის 3 და მარკირების გარეშე ხმის მიცემის 1 შემთხვევა.
„სამართლიანი არჩევნების“ ყველა დამკვირვებელს (100%) მიეცა შესაძლებლობა დაკვირვებოდა უბნის გახსნის პროცედურებს. აღნიშნული მონაცემი ემთხვევა საპარლამენტო არჩევნების პირველი ტურის შედეგებს.
”პირველი ამომრჩევლის მისაღებად 08:00 საათისთვის მზად არ იყო საარჩევნო უბნების მხოლოდ 0.3%, მაშინ როდესაც საპარლამენტო არჩევნების პირველ ტურზე საარჩევნო უბნების 4.2% გაიხსნა დაგვიანებით.
საარჩევნო უბნების 0.3%-ზე დაირღვა წილისყრის ჩატარების წესი. საარჩევნო უბნების 99.5%-ზე მნიშვნელოვანი დარღვევები არ დაფიქსირებულა”, -აღნიშნულია ინფორმაციაში.
რაც შეხება საჩივრებს, ამ დროისთვის „სამართლიანი არჩევნების“ დამკვირვებლების მიერ ჩანაწერთა წიგნში დაფიქსირებულია 10 შენიშვნა, საუბნო საარჩევნო კომისიაში წარდგენილია 9 საჩივარი, ხოლო საოლქო საარჩევნო კომისიაში – 6 საჩივარი.
, ამ დროისთვის „სამართლიანი არჩევენების“ დამკვირვებლების მიერ დაფიქსირებულ დარღვევებს შორისაა : ზუგდიდის მაჟორიტარული ოლქის #51 საარჩევნო უბანზე მომხდარი დარღვევა – სადემონსტრაციო ოქმში არ იყო შეტანილი შესაბამისი მონაცემები