ზუგდიდის მერიაში საკადრო ცვლილებები განხორციელდა. მერიის ინფრასტრუქტურული პროექტების მართვის და არქიტექტურის, ეკონომიკური პოლიტიკის და მუნიციპალური სერვისებისა და ზედამხედველობის სამსახურებს ახალი უფროსები ჰყავთ.
ზუგდიდის მუნიციპალიტეტის მერმა გიორგი შენგელიამ იდა ქვარაია, მიხეილ ჭკადუა და გიგა მელია თანამშრომლებს წარუდგინა.
კერძოდ, ინფრასტრუქტურული პროექტების მართვის და არქიტექტურის სამსახურის უფროსად იდა ქვარაია დაინიშნა. რაც შეეხება ზედამხედველობის სამსახურს, მას გიგა მელია უხელმძღვანელებს,ხოლო ეკონომიკური პოლიტიკის და მუნიციპალური სერვისების სამსახურის უფროსის თანამდებობაზე მიხეილ ჭკადუა დაინიშნა.
აგრეთვე, ეგრისის ადმინისტრაციულ ერთეულში მერის წარმომადგენლად ირმა ქირია, რუხის ადმინისრტრაციულ ერთეულში კი მერის წარმომადგენლად რუბენ ლუკავა დაინიშნა.
როგორც მერიაში აცხადებენ, ეს ადამიანები კონკურსის წესით შეირჩნენ.