დილით საპატრიარქოსთან მდებარე სკვერში, ანონიმური არტისტის BIIMO ინსტალაცია Split (გახლეჩილი) მოეწყო, რომელიც 31 ოქტომბრის სინოდის სკანდალურ მოვლენებს ეხმაურება. BIIMO ანონიმური მულტიმედია არტისტის პროექტია, რომლის მიზანია მოვლენების კრიტიკულად შეფასებით ადამიანების კომფორტის ზონიდან გამოყვანა. ინსტალაცია გამოხატავს საზოგადოების განცდებს მართმადიდებელი ეკლესიის გარშემო მიმდინარე პროცესების მიმართ.
31 ოქტომბერს გამართულ სინოდის სხდომაზე მიტროპოლიტმა პეტრემ ეკლესიაში პედოფილიის შესაძლო შემთხვევებზე გააკეთა განცხადება, რის გამოც ის ეპარქია ჩამოართვეს და სინოდიდან გარიცხეს. ამ დრომდე, ცნობილია, რომ როგორც ეკლესია, ისე სახელმწიფო გამოძიების დაწყებას არ გეგმავს.