,,აჭარა იმსახურებს დემოკრატიას და თავისუფალ არჩევანს და ჩვენ აუცილებლად მივაღწევთ ამას! – მიმართავს ერთიანი ნაციონალური მოძრაობის ლიდერი ლევან ვარშალომიძე აჭარის მოსახლეობას თავისი ფეისბუქგვერდიდან – პირველი ტურის არჩევნების შემდეგ ჩვენ შევინარჩუნეთ საბრძოლო განწყობა, რათა ჩვენმა ამომრჩეველმა გააკეთოს სწორი არჩევანი და აირჩიოს საკუთარი მომავალი!''
ლევან ვარშალომიძე აცხადებს, რომ ის და მისი გუნდი თანმიმდევრულად იბრძვიან იმისათვის, რომ ამხილონ ხელისუფლება არჩევნების გაყალბებაში.
,,ჩვენ გამოვაქვეყნეთ ვიდეოები, რომლებიც ადასტურებს, რომ არჩევნები დამახინჯებული და გაყალბებულია. გპირდებით, რომ ჩვენ გამოვიყენებთ ჩვენს ხელთ არსებულ ყველა ინსტრუმენტს კანონის ფარგლებში. მე და ჩემმა გუნდმა მოვამზადეთ წერილი და გავაგზავნეთ სხვადასხვა უცხო ქვეყნის საელჩოებში, რომელიც არის საქართველოში. ასევე, წერილი გავაგზავნეთ OSCE-ში. გავაგზავნეთ ვიდეო დამადასტურებელი ფაილები, რომელიც მიაწვდიდა მათ ინფორმაციას საქართველოს შესახებ, თუ რა ხდებოდა 8 ოქტომბერს, საპარლამენტო არჩევნების დღეს. ჩვენ მოვუწოდებთ მათ,ყურადღება გაამახვილონ ასეთ უხეშ დარღვევებზე და გამოგვიგზავნონ დამატებითი დამკვირვებლები, რათა არ მოხდეს მეორე ტურის გაყალბება.
ჩვენ ერთად გავიმარჯვებთ!'' – წერს ლევან ვარშალომიძე