პრემიერ-მინისტრმა გიორგი გახარიამ ზუგდიდში სახანძრო-სამაშველო შენობის გახსნა ჩვეული ბოდიშით დაიწყო. პრემიერმა ქალაქის ცენტრში დაუსრულებელი მშენებლობის გამო მოსახლეობის გამაღიზიანებელ ფაქტორზე ისაუბრა და ზუგდიდელებს მშენებლობის დაგვიანებისთვის ბოდიში მოუხადა.
„ბოდიში მინდა მოვუხადო ზუგდიდელებს, რომ ეს შენობა დიდხანს შენდებოდა“- განაცხადა გიორგი გახარიამ. „ეს არის საქართველოში ყველაზე დიდი სამაშველო სამსახური,რომელიც აღჭურვილია ყველა შესაბამისი ტექნიკით, სადაც დღეიდან 20 მეხანძრე- ურად. ეს იქნება ძალზე ეფექტური ინსტრუმენტი იმისთვის, რომ ჩვენ ვებრძოლოთ ხანძარს პირველ რიგში და რა თქმა უნდა, სრულფასოვნად შევასრულოთ ყველა ის სამაშველო სამსახური, რომელიც არის ამ ობიექტის მოვალეობა. შინაგან საქმეთა სამინისტროს პირად შემადგენლობასაც ვულოცავ ამ დღეს, იმიტომ, რომ ეს ნაწილი ჩვენს მოქალაქეებზე ზრუნვის, ბოლო წლების განმავლობაში აქ ცოტა უყურადღებოდ იყო. ახლა ამ გამოწვევასაც ყველანი ერთად ღირსეულად ვუპასუხებთ”, – განაცხადა პრემიერ-მინისტრმა.
