სტრასბურგის სასამართლოს 10 ოქტომბრის გადაწყვეტილებას ირაკლი ბათიაშვილის საჩივრის შესახებ, ადვოკატი ივანე პეტრიაშვილი ეხმიანება და სოციალურ ქსელში საკუთარ პოზიციას აქვეყნებს
“ეს დღეები გვიკიჟინებენ, რომ ირაკლი ბათიაშვილმა სტრასბურგში საქართველოს წინააღმდეგ მოიგო.
მოვიცალე და წავიკითხე გადაწყვეტილება, რომელშიც ნათლად წერია:
✔️2006 წელს მის მიმართ შეფარდებული წინასწარი პატიმრობა იყო კანონიერი, სამართლიანი და ევროპულ პრინციპებთან თანხვედრილი. შესაბამისად ამ საკითხზე პრეტენზიები უარყო სტრასბურგმა;
✔️მისივე სისხლის საქმის მასალებზე წვდომა სრულად ჰქონდა და ამ საკითხზეც პრეტენზიები უარყო სტრასბურგმა;
✔️მისი დაკავება და საქართველოში მისთვის პატიმრობის შეფარდება არ იყო პოლიტიკური მოტივით განპირობებული, მის მიმართ ადგილი არ ჰქონია სასამართლო ორგანოების პოლიტიკური ნიშანდებით იარაღად გამოყენებას; სტრასბურგმა აღნიშნა, რომ უზენაეს სასამართლოში საქმის განხილვამდე ის პრეზიდენტმა შეიწყალა, საქმეზე გამოძიების დასრულებისთანავე გათავისუფლდა პატიმრობიდან და მთლიანობაში მისი წინასწარი პატიმრობა სულ 4 თვემდე გაგრძელდა;
✔️დადგინდა მხოლოდ უდანაშაულობის პრეზუმფციის დარღვევა, იმ საფუძვლით, რომ მოსამართლის განჩინებით მიყურადების ამსახველი ჩანაწერი კერძო ტელევიზიაში გავიდა არასრულად იმდაგვარად, რომ და მისი ბრალდებულად ყოფნის პერიოდში შეიქმნა მისი დამნაშავეობის უტყუარი რწმენა. ესაც დადგინდა იმის გამო, რომ საქართველოს იუსტიციის სამინისტროს წარმომადგენელმა ვერ წარადგინა არგუმენტი ფარული ჩანაწერი მონტაჟით შსს-მ მიაწოდა ტელევიზიას, თუ ტელევიამ დაამონტაჟა.
ამ გადაწყვეტილებით ბათიაშვილი არ გაუმართლებიათ და მის წინააღმდეგ დამდგარი განაჩენი არ გადაინისჯება”.