ერთიანი ნაციონალური მოძრაობის წევრი, ირაკლი აბესაძე ლაპარაკობს საარჩევნო ადმინიტრაციების არაკომპეტენტურობაზე, რომელმაც დღესაც მარნეულში და ზუგდიდში მიმდინარე განმეორებითი არჩევნებზე იჩინა თავი. იყო ძალიან ბევრი პროცედურული დარღვევები, ასევე ძალიან დიდი მობილიზაცია სახელმწიფო მოხელეების და სხვადასხვა გაურკვეველი უცხო ადამიანის საარჩევნო უბნებთან.- აცხადებს ირაკლი აბესაძე,
სახლმწიფო მოხელეების დიდ კონცენტრაციაზე ლაპარაკობს ნაციონალური მოძრაობის წარმომადგენელი ეკა ხერხეულიძეც: ,ჯიხაშკარში სრული მობილიზაცია აქვთ გამოცხადებული. ყველა უწყების პირველი პირი უბნის შესასვლელებთან დგანან. ნებისმიერმა ამომრჩეველმა სამთავრობო კორიდორი უნდა გაიაროს უბანზე შესვლამდე'' – წერს იგი თავის ფეისბუქგვერდზე.
ფეისბუქმომხმარებელთა ერთი ნაწილი თვლის, რომ ხელისუფლება და მმართველი პარტია, რომლის ემისრებს ბოლო დღეებში განსაკუთრებით აქტიური მიმოსვლა ჰქონდათ მოსახლეობაში ,,საერთო ენის გამოძებნის მიზნით'', ცდილობს ამით ,,ზედმეტად შეახსენოს ამომრჩეველს თავისი არსებობა და გარკვეული, არაპირდაპირი ზემოქმედება მოახდინოს ამომრჩევლის თავისუფალი ნების გამოხატვაზე. ''