ზუგდიდის მუნიციპალიტეტის სოფელ რუხში, ნაწულუკუს უბანში მომხდარი ავტოსაგზაო შემთხვევის შედეგად 5 ადამიანი დაშავდა. არსებული ინფორმაციით, მერსედესის მარკის ავტომობილი საპირისპიროდ მიმავალ სუბარუს მარკის ავტომობილს შეეჯახა. 3 დაშავებული ზუგდიდის რეფერალურ საავადმყოფოშია გადაყვანილი. ექიმების შეფასებით, მათი ჯანმრთელობის მდგომარეობა დამაკმაყოფილებელია და ამ ეტაპზე შესაბამისი კვლევები უტარდებათ. შსს-ს ინფორმაციით, მომხდართან დაკავშირებით გამოძიება 276-ე მუხლის მეორე ნაწილით მიმდინარეობს,რაც მოძრაობის უსაფრთხოების ან ექსპლუატაციის წესის დარღვევას გულისხმობს.