გარემოს ეროვნული სააგენტოს ინფორმაციით, მიმდინარე კვირას საქართველოს ზოგიერთ რაიონში მოსალოდნელია ხანმოკლე წვიმა და ელჭექი. ჰაერის ტემპერატურა დასავლეთ საქართველოს დაბლობში +24, +29, ხოლო აღმოსავლეთ საქართველოს ბარში +21, +26 გრადუსამდე მოიმატებს.

სინოპტიკოსთა ცნობით, 9 ოქტომბრის შემდეგ დასავლეთ საქართველოს უმეტეს რაიონში იწვიმებს, ზოგან ძლიერად. ჰაერის ტემპერატურა დაბლობსა და ბარში +18, +23 გრადუსამდე დაიკლებს. იქროლებს დასავლეთის მიმართულების ძლიერი ქარი.

ზუგდიდში მოსალოდნელია მოღრუბლულობა და ჰაერის ტემპერატურის საგრძნობი კლება, იგი კვირის განმავლობაში 12-სა და 16 გრადუსს შორის იმერყევებს, დღევანდელი წვიმა კი მხოლოდ ხვალამდე გასტანს.

თბილისში ღამისა და საღამოს საათებში შესაძლოა მცირე წვიმა აღინიშნოს. ჰაერის ტემპერატურა +22, +24 გრადუსის ფარგლებშია მოსალოდნელი. 7 და 9 ოქტომბერს იქროლებს ჩრდილო-დასავლეთის მიმართულების ძლიერი ქარი.