რადიო თავისუფლების მიერ გამოთხოვილი საჯარო ინფორმაციით, პრეზიდენტ სალომე ზურაბიშვილის მიერ შეწყალებულთა შორის არიან, როგორც მკვლელობისთვის, ქურდობითვის, ისე არასრულწლოვანთან სექსუალურ კავშირში ბრალდებულიც.

კერძოდ:

• ჯანმრთელობის განზრახ მძიმე დაზიანების ბრალდებით — ორი ადამიანი;
• ბინის ან სხვა მფლობელობის ხელშეუხებლობის დარღვევისთვის — ერთი ადამიანი.
• ქურდობისთვის ბრალდებულები 24 ადამიანი;
• ქურდობა, კომპიუტერულ სისტემაში უნებართვო შეღწევისთვის — ორი პირი;
• განზრახ მკვლელობისთვის — 2 ადამიანი;
• განზრახ მკვლელობისთვის დამამძიმებელ გარემოებაში — ერთი ადამიანი.

როგორც ირკვევა, საქართველოს პრეზიდენტმა სხვა მძიმე დანაშაულში მსჯავრდებულებთან ერთად, ისეთი მსჯავრდებულიც შეიწყალა, რომელიც გასამართლებული იყო 140-ე მუხლით გათვალისწინებული დანაშაულით. აღნიშნული მუხლი კი გულისხმობს – სექსუალური ხასიათის შეღწევა თექვსმეტი წლის ასაკს მიუღწევლის სხეულში.

გამოთხოვილი ინფორმაციიდან ჩანს, რომ შეწყალებულებს შორის არიან, ასევე, ძარცვის, ყაჩაღობის, მითვისება ან გაფლანგვა. სამსახურებრივი სიყალბის, თაღლითობის და ქრთამის მიცემისთვის მსჯავრდებულები. 

პრეზიდენტმა 2018 წლის 17 დეკემბრიდან დღემდე სულ 91 მსჯავრდებული შეიწყალა, მათ შორის, 34 მარიამობის დღესასწაულზე.