გარემოს ეროვნული სააგენტოს პროგნოზირების ცენტრის ცნობით, 5 ოქტომბერს დასავლეთ და აღმოსავლეთ საქართველოში მზიანი, უნალექო ამინდი იქნება, 6 და 7 ოქტომბერს კი ზოგიერთ რაიონში წვიმიანი ამინდია ნავარაუდევი

5 ოქტომბერს, დასავლეთ საქართველოში ჰაერის ტემპერატურა 33 გრადუსი იქნება, ხოლო აღმოსავლეთ საქართველოში – 22- 27 გრადუსია მოსალოდნელი.

6 ოქტომბერს, როგორც დასავლეთ, ისე აღმოსავლეთ საქართველოს ზოგიერთ რაიონში ხანმოკლე წვიმაა მოსალოდნელი, ჰაერის ტემპერატურა 24 -29 გრადუსის ფარგლებშია ნავარაუდევი. ხანმოკლე წვიმა და ელჭექია ნავარაუდევი დედაქალაქშიც, ჰაერის ტემპერატურა 28 გრადუსი იქნება.

7 ოქტომბერს დასავლეთ საქართველოში ჰაერის ტემპერატურა 20- 25 გრადუსი იქნება. აღმოსავლეთ საქართველოში ჰაერის ტემპერატურა 21 -26 გრადუსის ფარგლებში დაფიქსირდება.

რაც შეეხება დედაქალაქს, 7 ოქტომბერს, თბილისში მზიანი ამინდია მოსალოდნელი.

ზუგდიდში დღეს მზიანი ამინდია, უღრუბლო ამინდი იქნება 5 ოქტომბერსაც, ჰაერის ტემპერატურა შუადღისას 32 გრადუსს მიაღწევს, 6 და 7 ოქტომბერს კი მოღრუბლულობაა მოსალოდნელი. ჰაერის ტემპერატურა 6 ოქტომბერს 27 გრადუსამდე იკლებს, 7 ოქტომბერს კი 20 გრადუსია მოსალოდნელი.