რუსეთის ფედერაციის საგარეო საქმეთა მინისტრის განცხადებით, ნიუ-იორკში საქართველოს საგარეო უწყების ხელმძღვანელთან შეხვედრა შვეიცარიის მხარის ორგანიზებული იყო, შეხვედრის ინიციატორი კი ქართველი მინისტრი გახლდათ.
“მართალი გითხრათ, მეღიმება ქართველი მინისტრების კომენტარებზე, თავად ზალკალიანის უცნაური კომენტარებიც წავიკითხე, იქ უფრო მეტი ადგილი თავად კომენტარებს ეთმობა, ვიდრე შეხვედრას. შეხვედრა ზალკალიანმა ითხოვა” – განაცხა სერგეი ლავროვმა ნიუ-იორკში, გაეროს 74-ე ასამბლეის შემაჯამებელ პრესკონფერენციაზე ნიუ-იორკში.
სერგეი ლავროვმა ხაზი გაუსვა, რომ ქართველი მინისტრი ყველაზე მეტად ავიამიმოსვლის აღდგენის საკითხით დაინტერესდა:
“მე მას ვუთხარი, რომ რუსეთი არასდროს ეძებდა ხელოვნურ საბაბს საქართველოსთან წასაკიდებლად. თუ საქართველოს ხელისუფლება შეძლებს პასუხისმგებლობით მოეკიდოს საკუთარ პოზიციას ურთიერთობის ნორმალიზების შესახებ და განავითაროს იგი, მაშინ მე პირადად ავიამიმოსვლას აღვადგენდი”, – ამბობს რუსეთის მთავარი დიპლომატი.
მისივე თქმით, საქართველოში რუსოფობების დარაზმვას, “ჩემი აზრით, ამჯერად უკვე თბილისში რეჟიმთან საბრძოლველად წინა პრეზიდენტი ცდილობს”, – აღნიშნა სერგეი ლავროვმა.