დღეს უნდა გახდეს ცნობილი, ბრძოლის რა სტრატეგიას აირჩევს ნაციონალური მოძრაობა და შევა თუ არა პარლამენტში მთავარი ოპოზიციური პარტია. ამ საკითხზე გუნდი უკვე ორი დღეა თათბირობს. საბოლოო გადაწყვეტილებას პოლიტსაბჭოზე მიიღებენ.დღის ბოლოს გამართულ ბრიფინგზე დავით ბაქრაძემ განაცხადა, რომ შექმნილ ვითარებაში ნაციონალური მოძრაობა ერთადერთ ოპოზიციურ ძალად ყალიბდება, ის წასვლას არსად აპირებს და პოლიტიკურ ბრძოლას აგრძელებს.პარტიაში ნაწილი ფიქრობს, რომ პარლამენტის ტრიბუნა ნაცმოძრაობამ არ უნდა დაკარგოს."მიუხედავად იმისა, რომ ამ ვითარებაში, ამ მეთოდიკასთან, რასაც ჩვენს წინააღმდეგ იყენებენ, დაპირისპირება ძალიან ძნელია, მაინც უნდა ვიბრძოლოთ," – აცხადებს დავით დარჩიაშვილი.