უზენაესი სასამართლოს მოსამართლეობის კანდიდატებს, ალბათ, ეცინებათ გულში, რომ ჩვენ – ყველაფრის მკადრებლები – ყველა ხელისუფლებისთვის საჭირო ვართ, -განუცხადა ჟურნალისტებს ფრაქცია “ნაციონალური მოძრაობის” თავმჯდომარემ რომან გოცირიძემ ჟურნალისტებს მოსამართლეობის კანდიდატებთან დაკავშირებით .
მისი თქმით, მომავალი ხელისუფლება სასამართლო რეფორმას განახორციელებს და არც ერთი ეს ადამიანი საჭირო არ იქნება.
” ბიძინა ივანიშვილს არ აინტერესებს საზოგადოების აზრი. მან კვლავ შემოაბრუნა იმ ძველი სიის კომპრომეტირებული წარმომადგენლები. ამ მოსამართლეებს ჰგონიათ, რომ როგორც ემსახურებოდნენ ყველა ხელისუფლებას, ასევე დასჭირდება მომავალ ხელისუფლებას. ამიტომ, ალბათ, ეცინებათ გულში და ფიქრობენ, ჩვენ – ყველაფრის მკადრებლები – ყველა ხელისუფლებისთვის საჭირო ვართო.
არ ხართ საჭირო, მომავალი ხელისუფლება სასამართლო რეფორმას ფუნდამენტურად განახორციელებს და არც ერთი ეს ადამიანი, რომელსაც დღეს დიდი ალბათობით დაამტკიცებს პარლამენტი, მომავალ სასამართლო სისტემაში ვერ დარჩება. ამ პროცესით მთავრდება ხელისუფლების საბოლოო მიტაცების ის გეგმა, რაც განახორციელა ივანიშვილმა. ბოლო ბასტიონი იყო ასათვისებელი და ეს არის უზენაესი სასამართლო, სადაც დასვამს თავის ყურმოჭრილ მონებს,”- განაცხადა რომან გოცირიძემ