გივი თარგამაძის მანქანის აფეთების შედეგად დაშავებული ხუთი ადამიანიდან მძიმეა ერთი მამაკაცის მდგომარეობა. მას სხეულის მრავლობითი დაზიანება ჰქონდა. მამაკაცს უკვე ჩაუტარდა გადაუდებელი ოპერაცია ინგოროყვას კლინიკაში. მისი მდგომარეობა ამ დროისთვის სტაბილურია.მკურნალი ექიმის განცხადებით, პაციენტის მდგომარეობა კლინიკაში მიყვანისას უკიდურესად მძიმე იყო. მას აღენიშნებოდა სხეულის მრავლობითი ნაფლეთოვანი დაზიანება და მუცლის ღრუში შემავალი ჭრილობა, რომელმაც ღვიძლის ნაწილი დააზიანა.დაშავებულები გუშინვე მოინახულა ჯანდაცვის მინისტრმა. მან მომხდარის პოლიტიკური შეფასებისგან თავი შეიკავა. დავით სერგეენკოს თქმით, დარმწუნებულია, რომ სამართალდამცველები უმოკლეს დროში გამოიძიებენ საქმეს.პაციენტები მოინახულა ასევე გიგა ბოკერიამ. კლინიკებში იმყოფებოდნენ სამართალდამცველებიც, რომლებაც დაშავებული პაციენტების შესახებ ამოიღეს ინფორმაცია.