კოლმეურნეობის მოედანზე, ნაციონალური მოძრაობის ოფისთან, დეპუტატ გივი თარგამაძის მანქანა ააფეთქეს. შს მინისტრის პირველი მოადგილის, ბესიკ ამირანაშვილის, განცხადებით, უწყებამ გამოძიება სსკ-ის 109-ე მუხლით დაიწყო, რაც გულისხმობს განზრახ მკვლელობას დამამძიმებელ გარემოებებში.„ამ ეტაპზე მომხდარის კონკრეტულ დეტალებზე ვერ ვისაუბრებ, მაგრამ გამოძიება დაიწყო შინაგან საქმეთა სამინისტრომ სისხლის სამართლის კოდექსის 109-ე მუხლით, რაც გულისხმობს განზრახ მკვლელობას დამამძიმებელ გარემოებებში. შემთხვევის ადგილზე მუშაობს ექსპერტ-კრიმინალისტების ჯგუფი. ტარდება ყველა პირველადი საგამოძიებო მოქმედება და უახლოეს პერიოდში ვეცდებით, რომ საქმეზე დავადგინოთ ჭეშმარიტება,“ – აცხადებს ბესიკ ამირანაშვილი.ჯანდაცვის სამინისტროს ინფორმაციით, დაშავებულთაგან 2 მკურნალობას ინგოროყვას კლინიკაში გადის. დაშავებულები მინისტრმა დავით სერგეენკომ მოინახულა.მინისტრის განცხადებით, ერთის მდგომარეობა შედარებით მძიმეა, ერთს კი მსუბუქი დაზიანებები აქვს მიღებული. მინისტრი აცხადებს, რომ სიცოცხლესთან შეუსაბამო დაზიანებები არცერთ პირს არა აქვს მიღებული. "მიუღებელია ფაქტი მითუმეტეს, რომ დაზარალებულები არიან ირგვლივმყოფი ადამიანები, შემთხვევითი გამვლელები. დასაგმობი ფაქტია. დარწმუნებული ვარ, რომ უმოკლეს დროში გამოიძიებენ ამ საქმეს," – აცხადებს მინისტრი სერგეენკო.
კოლმეურნეობის მოედანზე, ნაციონალური მოძრაობის ოფისთან, დეპუტატ გივი თარგამაძის მანქანა ააფეთქეს შს-მ გამოძიება 109 განზრახ მკვლელობის მუხლით დაიწყო
Published on