საფრანგეთმა დაჯგუფება „ისლამური სახელმწიფოს“ პოზიციებზე ავიადარტყმების განხორციელება ავიამზიდ „შარლ დე გოლიდან“ დაიწყო. როგორც სააგენტო ფრანს პრესი იტყობინება, Rafale-ს გამანადგურებლებმა ავიამზიდის ბორტი დღეს დილით დატოვეს. ფრანგული მხარის ცნობით, ავიაცია ერაყის ქალაქ მოსულში, ტერორისტების წინააღმდეგ მიმართულ საჰაერო ოპერაციაში ჩაერთვება. „შარლ დე გოლი“ საფრანგეთის შეიარაღებული ძალების ერთადერთი ავიამზიდია. ამჟამად საერთაშორისო კოალიციის ერთ-ერთი მთავარი მიზანი ქალაქ მოსულის გათავისუფლებაა, რომელიც ერაყში დაჯგუფება „ისლამური სახელმწიფოს“ პლაცდარმად მიიჩნევა.