ჯონ კერიმ რუსეთის საგარეო საქმეთა მინისტრს სერგეი ლავროვს სატელეფონო საუბრისას განუცხადა, რომ აშშ სერიოზულ შეშფოთებას გამოხატავს სირიაში ვითარების გამწვავების გამო და აღნიშნა, რომ ვაშინგტონი მოსკოვს მიიჩნევს პასუხისმგებლად იმ ვითარებაზე, მათ შორის იმ ბომბების გამოც, რომლებიც ქალაქის დასაბომბად გამოიყენება. აშშ მზადაა რუსეთთან ერთობლივი მუშაობა შეწყვიტოს სირიაში კონფლიქტის მშვიდობიანად დარეგულირების საკითხში, თუკი რუსეთი ქალაქ ალეპოში ძალადობას არ შეწყვიტა.

ალეპოს აღმოსავლეთ ნაწილში, სადაც ამჟამად საბრძოლო მოქმედებები მიმდინარეობს, უმძიმესი სიტუაციაა შექმნილი. აღნიშნულ რაიონში დარჩა მხოლოდ 30 ექიმი, არსებობს სამედიცინო აღჭურვილობის დეფიციტი, დაშავებულთა რაოდენობა კი დღითი დღე იზრდება.3 სექტემბრის შემდეგ  ალეპოს დაბომბვის შედეგად  გაერო-ს ბავშვთა ფონდის მონაცემებით,  სულ მცირე 96 ბავშვი დაიღუპა და 223 დაშავდა. 

სირიის არმიამ ალეპოზე შეტევითი ოპერაცია 19 სექტემბერს დაიწყო. ალეპოს , გავრცეებული ცნობებით ბომბავს რუსული ავიაციაც.