შეზღუდული შესაძლებლობის მქონე ქალთა და შეზღუდული შესაძლებლობების მქონე ბავშვთა დედათა ასოციაცია ''დეამ" ჩაატარა სემინარი ზუგდიდის, წალენჯიხისა და ჩხოროწყუს ადგილობრივი თვითმმართველობის ორგანოების წარმომადგენლებისათვის მოქალაქეთა თანამონაწილეობისა და ჩართულობის ხელშეწყობის საკითხებზე.
სემინარი ჩატარდა ორგანიზაციის მიერ ინიცირებული პროექტის ''მოქალაქეთა თანამონაწილეობა უკეთესი თვითმმართველობისთვის''ფარგლებში, რომლის მიზანია თვითმმართველობის პროცესში მოქალაქეთა თანამონწილეობის ხელშეწყობა და თვითმმართველობის ორგანოების მხარდაჭერის გაზრდა უკეთესი თანამონაწილეობითი მმართველობისთვის.
როგორც ასოციაცია ,,დეას’’ აღმასრულებელი დირექტორის მადონა ხარებავა ამბობს, პროექტი მიმართულია მუნიციპალიტეტების საჯარო ანგარიშვალდებულების გაზრდის, სამოქალაქო მრჩეველთა საბჭოების ფუნქციონირების, დასახლებათა საერთო კრებების მუშაობის ხელშეწყობაზე და საბიუჯეტო პროცესებში მოსახლეობის თანამონაწილეობის მხარდაჭერაზე.
პროექტი ხორციელდება სამეგრელო-ზემო სვანეთის სამ მუნიციპალიტეტში: ზუგდიდში, წალენჯიხასა და ჩხოროწყუში.
ასოციაცია ''დეა" პროექტს ახორციელებს გაეროს განვითარების პროგრამის ფინანსური ხარდაჭერით.