მთავარისიახლეებიპოლიტიკაბიძინა ივანიშვილი: ,,მესამე სექტორიც ხომ დასვრილი და დაბინძურებულია, სამოქალაქო საზოგადოებაც ხომ...

ბიძინა ივანიშვილი: ,,მესამე სექტორიც ხომ დასვრილი და დაბინძურებულია, სამოქალაქო საზოგადოებაც ხომ მათ გარყვნეს”

Published on

 ბიძინა ივანიშვილი აღშფოთებული გამოეხმაურა არასამთავრობო სექტორის კრიტიკას იმის თაობაზე, რომ 2011 წლის 26 მაისის კადრების გავრცელება წინასაარჩევნოდ კითხვებს აჩენს.
“რომელი მესამე სექტორის? ის მესამე სექტორიც ხომ დასვრილი და დაბინძურებულია, სამოქალაქო საზოგადოებაც ხომ მათ, უკაცრავად და, გარყვნეს. იქ ისეთი ხალხი შედის და იბრალებს, ისეთ ნიშას იფარებს და ისეთ ნიშაში შევიდნენ, რომ ისეთი აგრესიული ნაციონალური მოძრაობის წევრებიც კი არ არიან ძალიან ხშირად, რომლებიც არასამთავრობოებს აფარებენ თავს. რომელმა თქვა, კონკრეტულად მითხარით და ხელად გამოჩნდება… გიგაური იქნებოდა ალბათ, ალბათ გიგაურმა თქვა, "პაგონებიანმა" გიგაურმა. იქ რაღაც ფულზე რომ იყო საუბარი, გიგაურმაც მიიღო "პაგონები" მაგ დროს, რაღაც "პაგონები", მე არ ვიცი ეს ჭორები, მაგრამ უწერენ იმასაც. მე მესამე სექტორს კი არ ვაკრიტიკებ, მესამე სექტორში თავშეფარებულ ხალხს ვაკრიტიკებ. ამ სექტორს ნუ აბინძურებენ, გამოვიდნენ და დაირქვან სახელი, რომ „ნაციონალური მოძრაობის“ წევრები არიან“, – განაცხადა ბიძინა ივანიშვილმა გადაცემაში "შეხვედრები რეგიონულ მედიასთან" , როცა შეახსენეს, რომ NGO-ებმა პროკურატურის მხრიდან ვიდეომასალის გავრცელებაში პოლიტიკური ქვეტექსტი დაინახეს. 
 თავად ექს-პრემიერი მიიჩნევს, რომ თუ სასამართლო პროცესი წინასაარჩევნო პერიოდს დაემთხვა, ამის გამო საქმის წარმოება ვერ შეჩერდება, ხოლო პროკურატურა ანგარიშვალდებულია საზოგადოებას ინფორმაცია მიაწოდოს.
ივანიშვილმა არასამთავრობო სექტორი ამ კონტექსტში „ლეიბორისტულ პარტიას“ შეადარა, როგორც ფსევდოოპოზიცია, რომელიც მისი შეფასებით, საზოგადოების სირცხვილია.
“რა თქმა უნდა, „ლეიბორისტული პარტია „ნაციონალურ მოძრაობაზე“ უარესია, იმიტომ რომ მათ ემსახურება და ამ დროს კიდევ ცრუობს, რომ იქ არაა. ორმაგი დანაშაული გამოდის“,- დასძინა ივანიშვილმა.

სიახლეები

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა

ევროპარლამენტმა 490 ხმით 147-ის წინააღმდეგ საქართველოს შესახებ რეზოლუცია დაამტკიცა, რომელშიც ქვეყანაში მიმდინარე მოვლენები დემოკრატიის...

ირაკლი ზარქუა რასა იუკნევიჩიენეზე – რაისა „კომუნისტკა“ არ ისვენებს

"რაისა და მისი სადაქალო“ - ასე მოიხსენიებს "ოცნების" დეპუტატი ირაკლი ზარქუა იმ ევროპარლამენტარებს, რომლებიც,...

პროკურატურის დღევანდელმა მოწმეებმა სინდისის პატიმრების წინააღმდეგ ჩვენება ვერ მისცეს

სინდისის პატიმრების, ანდრო ჭიჭინაძის, ონისე ცხადაძის, ჯანო არჩაიას, რუსლან სივაკოვის, ლუკა ჯაბუას, გურამ მირცხულავას,...

სურსათის ეროვნულმა სააგენტომ ატმის შეღებვის საქმეზე საგამოძიებო ორგანოებს მიმართა

სოციალურ ქსელში გავრცელდა ვიდეო, სადაც ჩანს, რომ კაცი გასაყიდად გამოტანილ ატამს ღებავს. კადრებმა საზოგადოებაში...