ფრანგული წყალქვეშა ნავი „მინერვე“, რომელიც 1968 წელს გაუჩინარდა, ქალაქ ტულონთან 45 კილომეტრის დაშორებით წყლის ზედაპირიდან 2,370 მეტრის სიღრმეში აღმოაჩინეს, – ამის შესახებ „ბიბისი“ იუწყება.

მათივე ინფორმაციით, წყალქვეშა ნავის აღმოჩენის შესახებ ინფორმაცია საფრანგეთის თავდაცვის მინისტრმა ფლორენს პარლიმ სოციალურ ქსელ „ტვიტერში“ გაავრცელა მინერვეს აღმოჩენა დიდი წარმატებაა, ტექნიკური ტრიუმფი და იმ ტკივილის შემსუბუქება დაღუპული მეზღვაურების ოჯახებისთვის, რომელნიც ასე დიდხანს ელოდნენ ამ დღეს – წერს მინისტრი.

წყალქვეშა ნავი „მინერვე“, სამხრეთ საფრანგეთის სანაპიროზე მდენარე ტულონის პორტის მახლობლად 1968 წლის 7 იანვარს გაუჩინარდა. სუბმარინზე 52 მეზღვაური იმყოფებოდა. ეიგი სულ რაღაც 4 წუთში ჩაიძირა. სპეციალისტები მაშინ ვარაუდობდნენ, რომ ნავი ფსკერზე დაახლოებით 2000 მეტრის სიღრმეში დაჯდა.

მას შემდეგ პერიოდულად მიმდინარეობდა საძიებო სამუშაოები, ერთერთ ექსპედიციაში მონაწილეობდა ჟაკ-ივ- კუსტოც, მაგრამ ძიებამ შედეგი ვერ გამოიღო.

წელს ივლისის დასაწყისიდან კიდევ ერთი ექსპედიცია იქნა წამოწყებული და ამჯერად წარმატებით დასრულდა.

1968 წელი საბედისწერო აღმოჩნდა კიდევ რამდენიმე წყალქვეშა ნავისთვის – მინევ რ ას ჩაძირვამდე ორი დღით ადრე ხმელთაშუა ზღვის არმოსავლეთ ნაწილში გაუჩინარდა ისრაელის სუბმარინა, გარდა ამისა იმავე წელს ჩაიძირა კიდევ ორი წყალქვეშა ნავი – საბჭოთა К-129 და ამერიკული Scorpion.