ზუგდიდის მუნიციპალიტეტის გამგეობის სააქტო დარბაზში გაიმართა შეხვედრა სლოვაკ ექსპერტებთან, რომელიც „ევროპული კაფეების“ მეორე ტურის ფარგლებში ჩატარდა.
სლოვაკმა ექსპერტებმა ადგილობრივი თვითმმართველობის წარმომადგენლებს გაუზიარეს თავიანთი ქვეყნის გამოცდილება ევროინტეგრაციის გზაზე და მიაწოდეს ინფორმაცია ქვეყანაში ტურიზმისა და სოფლის მეურნეობის სფეროში განხორციელებული რეფორმებისა დ აუახლესი მიღწევების შესახებ.
პროექტი ექსპერტებს, ადგილობრივი თვითმმართველობის წარმომადგენლებსა და მოსახლეობას შორის -საქართველოს ევროპული ინტეგრაციის პროცესის გარშემო კონსტრუქციულ და არგუმენტირებული დიალოგის დაწყებას გულისხმობს.
იგი თავის მხრივ არის პროექტის – „საქართველო ევროპის გზაზე“ შემადგენელი ნაწილი.
პროექტს ახორციელებს გლობალური უსაფრთხოების პოლიტიკის ინსტიტუტი სლოვაკეთის, ატლანტიკური კომისიის ნატოსა და ევროკავშირში საინფორმაციო ცენტრის მხარდაჭერით.
საქართველოში პროექტის პარტინიორები სახელმწიფო მინისტრის აპარატი ევროპულ და ევროატლანტიკურ სტრუქტურებში და სსიპ „საინფორმაციო ცენტრი ნატოსა და ევროკავშირის შესახებ“ არიან.
,,ევროპული კაფეების'' პირველიტური ჩატარდა გაზაფხულზე, აღმოსავლეთ საქართველოს სხვადასხვა ქალაქებში : რუსთავში, მარნეულში, თელავსა და მცხეთაში განხორციელდა. მეორე ტური კი 19 იდან დაიწყო და ერთი კვირის განმავლობაში დასავლეთ საქართველოს სხვადასხვა ქალაქებში გაიმართება.