პოლიტიკური მოძრაობა “პაატა ბურჭულაძე – სახელმწიფო ხალხისთვის” ლიდერის, პაატა ბურჭულაძის განცხადებით, ამაყია იმით, რომ ე.წ. კანონიერი ქურდის, ტარიელ ონიანის შვილი უშბა მისი ნათლულია. მისი თქმით, ტარიელ ონიანის შვილი ლონდონში ერთ-ერთი წამყვანი ფინანსისტია. ”ტარიელ ონიანი მე პარიზში გავიცანი. მან მთხოვა, მომენათლა მისი შვილი უშბა. ეს 20 წლის წინ იყო, როდესაც მე პარიზში გასტროლებზე ვიყავი. რა თქმა უნდა, მე სიამოვნებით დავთანხმდი, რადგან ნათლობა ქრისტიანი ადამიანისათვის არის ერთ-ერთი ყველაზე მთავარი. მე ვამაყობ ჩემი მონათლულით. უშბა არის ერთ-ერთი საუკეთესო ფინანსისტი, რომელიც არის დღეს ლონდონში. 400-კაციან კონკურსში გაიმარჯვა სამმა, ერთ-ერთი არის ჩემი უშბა, ჩემი ნათლული, რომელიც ერთ-ერთი წამყვანი ფინანსისტია ლონდონის ძალიან დიდ ბანკში”, – განაცხადა პაატა ბურჭულაძემ. მან აღნიშნა ისიც, რომ დიდი ხანია, რაც ტარიელ ონიანთან ურთიერთობა არ ჰქონია, რადგან ის საქართველოში არ ცხოვრობს.
პაატა ბურჭულაძის განცხადებით ამაყია იმით რომ ე.წ. კანონიერი ქურდის ტარიელ ონიანის შვილი უშბა მისი ნათლულია
Published on