,,გირჩს'' ბიძინა ივანიშვილი აფინანსებს ,"- ეს განცხადება რუსთავი2-ის პირდაპირ ეთერში დეპუტატმა და რესპუბლიკური პარტიის წევრმა, ლევან ბერძენიშვილმა, გააკეთა.
ბერძენიშვილი ამბობს, რომ მას აღნიშნული ინფორმაცია სანდო წყარომ მიაწოდა, თუმცა მას არ დაასახელებს .
ბერძენიშვილის თქმით, "გირჩის, გიორგი ვაშაძისა და მამუკა კაციტაძის ერთობა შეუძლებელია ბუნებრივი იყოს და ბლოკი ხელოვნურად არის შექმნილი. ამ სამი პარტიის ბურჭულაძისთვის ხელოვნურად მიერთება საქართველოში მხოლოდ ერთ ადამიანს, ბიძინა ივანიშვილს, შეეძლო.".
დეპუტატი ბერძენიშვილი ამბობს, რომ, რაც ეს ხელოვნური გაერთიანება მოხდა, პაატა ბურჭულაძის რეიტინგი საგრძნობლად ეცემა და დიდია შანსი იმისა, რომ იგი პარლამენტში საერთოდ ვერ მოხვდეს.
"სიაში ბურჭულაძის პარტიის ნარჩენებიდან 3 ადამიანია წარმოდგენილი. ძირითადი სია დააკომპლექტა გირჩმა, დანარჩენები პავლე კუბლაშვილის ლოიალურობიდან გამომდინარე. ჩვენ გვაქვს რეალობა ის, რომ ამ სიაში არიან გამყიდველი ნაციონალები, რომლებმაც ნაციონალური მოძრაობა დატოვეს და ახლა ბურჭულაძის სახელით ცდილობენ პოლიტიკაში დაბრუნებას. ბურჭულაძე ხალხს ატყუებს მას პარტია აღარ დარჩა, ატყუებს ამომრჩევლებს. პაატა გაიქცა და ამერიკაში და სიის ჩამოყალიბება პავლე კუბლაშვილს მიაბარა," – განაცხადა გუშინ ხათუნა ლაგაზიძემ, რომელმაც ბურჭულაზის პარტია ხმაურით დატოვა.
შეერთებული შტატებიდან დაბრუნებულმა პაატა ბურჭულაძემ ხათუნა ლაგაზიძის ბრალდებებს უპასუხა.
"განრისხება, რომელიც ქალბატონმა ხათუნამ გამოიჩინა, ჩემთვის მოულოდნელი არ ყოფილა, თუმცა მან იცოდა ეს, იმიტომ რომ ჩვენ ყველამ გუნდურად განვიხილეთ და შევთანხმდით, რომ ჩვენი პრიორიტეტია პარლამენტში შევიდნენ საქმის მკეთებლები და არა მოლაპარაკეები, იმიტომ რომ მოლაპარაკე ისედაც ძალიან ბევრია პარლამენტში, ხოლო როგორ გაკეთდეს საქმე, არ იციან,"-განაცხადა.პარტიის ლიდერმა, იგი ხაზს უსავამს აგრეთვე, რომ პარტიაში კრიმინალური მენტალიტეტის მქონე ადამიანების არსებობასაც გამორიცხავს.
პაატა ბურჭულაძე ამბობს, რომ რამდენიმე დღეში ლაგაზიძეს წყენა გადაუვლის და ინანებს თავის საქციელს.