საქალაქო სასამართლოსთან, სადაც ნიკა მელიას სასამართლო პროცესი იწყება, გაერთიანებული ოპოზიციის ლიდერები და სხვა მხარდამჭერები არიან შეკრებილი
ოპოზიციის წარმომადგენლები აცხადებენ, რომ ბიძინა ივანიშვილის სურვილია ოპოზიცია დაასუსტოს და მისი ლიდერები გათიშოს.
„რესპუბლიკური პარტიის“ ერთ-ერთი ლიდერი თამარ კორძაია ამბობს, რომ არ არსებობს მტკიცებულებები, რის საფუძველზეც შეიძლება ნიკა მელიას პატიმრობა შეეფარდოს.
„მოსამართლე გოგოხიას მინდა მივმართო, რომელიც ცნობილია, როგორც ერთ-ერთი შემსრულებელი დავალებების, ის საკუთარ თავს გამოუტანს გადაწყვეტილებას და არა ნიკა მელიას, სჯობს დაფიქრდეს ვიდრე სასამართლო დარბაზში შევა, ის რაც ნიკა მელიას წინააღმდეგ გუშინ მოხდა, ეს არის ძალადობა საქართველოს თითოეულ მოქალაქის წინააღმდეგ, ეს არის ჩაგვრა უმცირესობის პოლიტიკაში, ეს არ არის პოლიტიკა და არ არის სახელმწიფოს შენება,“-აცხადებს კორძაია.