ზურაბ პატარიძე აჭარის ავტონომიური რესპუბლიკის მთავრობის თავმჯდომარეა. იგი აჭარის უმაღლესმა საბჭომ რიგგარეშე სხდომაზე აირჩია. 12 ხმით, არც ერთი წინააღმდეგ,
კენჭისყრაში მონაწილეობა არ მიუღია 9 დეპუტატს – ნაციონალური მოძრაობის წევრებსა და დამოუკიდებელ დეპუტატს, მედეა ვასაძეს. ისინი აღნიშნავენ, რომ კონსტიტუცია დაირღვა. რომ არა ,,თავისუფალი დემოკრატების'' წარმომადგენლების გადაწყვეტილება ხმა მიეცათ პატარაძის სასარგებლოდ , მისი კანდიდატურა ჩავარდებოდა, რადგან კენჭისყრაზე მინიმუმ 11 დეპუტატის მხარდაჭერა იყო საჭირო, ამდენი ხმა კი ,,ქართულ ოცნებას'' არ ჰქონდა.
კენჭისყრამდე აჭარის უმაღლეს საბჭოში აჭარის მთავრობის თავმჯდომარეობის კანდიდატმა ზურაბ პატარაძემ დეპუტატების შეკითხვებს უპასუხა.
დარბაზში კანდიდატის სიტყვით გამოსვლისას მცირე ინციდენტიც მოხდა. ერთ-ერთი არასამთავრობო ორგანიზაციის წარმომადგენელმა ნაციონალური მოძრაობის დეპუტატს შეურაცხმყოფელი შეძახილებით მიმართა.საბჭოს ადმინისტრაციის წარმომადგენლებმა მას დარბაზი დაატოვებინეს.