მარტვილში, მდინარე აბაშის წყალში დამხრჩვალი 16 წლის მოზარდის ცხედარი წყალმა გამორიყა. უბედური შემთხვევა გუშინ მოხდა, როდესაც 16 წლის მალხაზ ბერიშვილი მდინარეში ხიდიდან საბანაოდ გადახტა, რის შემდეგაც გაუჩინარდა.
თუმცა სამაშველო ოპერაცია მდინარეზე ამ დრომდე გრძელდება. ამჯერად მაშველები დღეს დილით დაკარგული ახალგაზრდის ძებნისას გაუჩინარებულ კოლეგას – საქართველოს წყალქვეშ ყვინთვის ნაციონალური ფედერაციის უფროსს, ელგუჯა ჯამრიშვილს , რომელიც წყალში მოზარდის მოსაძებნად შესვლის მერე გაჩინარდა. სამძებრო სამუშაოებში 40-მდე მაშველი და მყვინთავი მონაწილეობს. მაშველები ადგილზე თბილისიდან და ბათუმიდან ჩავიდნენ. სამუშაოები მდინარის ადიდების გამო გართულებულია.