დღეს საღამოს თბილისში, სამხატვრო აკადემიის შენობაში ხანძარი გაჩნდა. მისი ჩაქრობა მხოლოდ ღამის 10 საათისთვის მოხერხდა. როგორც საგანგებო სიტუაციების სამსახურში აცხადებენ, ცეცხლი გაჩნდა შენობის ჭერზე და დამწვარია დაახლოებით 15 კვ. მეტრი ფართი.
ადგილზე ორი ერთეული სახანძრო მანქანა მუშაობდა, მათ დროზე აღკვეთეს ცეცხლის შენობის სხვა ნაწილში გავრცელების საშიშროება.
ხანძრის გამომწვევი მიზეზები ჯერჯერობით ცნობილი არ არის.