"თუ მცოდნოდეს, უსინდისო ვიყო. არ ვარ პატარა ბიჭი, რომ ასეთი კომპლიმენტებით აიყვანო ან პირიქით, წყობიდან გამოიყვანო.ეს ნაკლებ საინტერესოა ჩემთვის", – განაცხადა ივანიშვილმა დღევანდელ პრესკონფერენციაზე, როცა ჰკითხეს, როგორ რეაგირებს, რამდენად სიამოვნებს მისი შედარება ილია ჭავჭავაძესთან და მსგავსი კომპლიმენტები
არადა, ივანიშვილმა ამასწინათ თავადაც განაცხად შემდეგი: ,,მე ვარ ერთადერთი მათგანი, ვინც აკმაყოფილებს ილიას სიტყვებს- ყველამ ერთად და თითოეულმა ცალკე უნდა გავიზიაროთ, რომ ყველამ ერთად და თითოეულმა ცალკე უნდა გავიზიაროთ, რომ ნაწილი ვართ ერისა და საკუთარი წარმატება უნდა ვეძებოთ ჩვენი ერის წარმატებაში.“, მე ვარ ერთადერთი მათგანი, ვინც ამ წესებს იცავს. თუ ვმართავ მთავრობას და კიდევ ერთხელ ვამბობ, რომ არ ვმართავ, ვაკეთებ ყველაფერს საზოგადოების ინტერესებიდან გამომდინარე.
რაც შეეხება კითხვას შევა თუ არა მომავალ პარლამენტში მანანა კობახიძე, რომელმაც ივანიშვილის ღია წერილი ილია ჭავჭავაძის პუბლიცისტიკას შეადარა., მან უპასუხა, რომ, მისი მოსაზრებით, მომავალი მოწვევის პარლამენტში მანანა კობახიძე მანდატს იმსახურებს.