პარტია „ჩვენი სამშობლოს“ ლიდერმა ზვიად ჩიტიშვილმა გაზეთ „ასავალ-დასავალთან“ ინტერვიუში განაცხადა, რომ ხურჩაში მომხდარი მკვლელობის შემდეგ ის სპეციალურად გაფრინდა მოსკოვში და მრგვალ მაგიდასთან გავლენიან აფხაზებს, ოსებს, რუსებსა და ქართველებს შეხვდა.
„მოკლედ გეტყვით- ამ შეხვედრაზე რიგითი აფხაზები გავლენიან აფხაზებს ისეთ მწვავე შეკითხვებს უსვამდნენ და ისე მკაცრად სთხოვდნენ პასუხს მომხდარის გამო, რომ გაოცებული დავრჩი. შეხვედრამ კიდევ ერთხელ დამარწმუნა, რომ აფხაზები, რუსები და ოსები მართლაც არიან მზად ქართველებთან შესარიგებლად!
შეხვედრაზე გამოიკვეთა აზრი, რომ მომხდარი მკვლელობა არის სააკაშვილისა და თურქეთის სპეცსამსახურების ერთობლივი აქცია! გავლენიანი აფხაზი ძმებისგან მივიღე პირობა, რომ მკვლელი რაშიდ კანჯი-ოღლი უმკაცრესად დაისჯება და მას ხელს არ დააფარებენ!“ – აცხადებს ჩიტიშვილი.