მიხეილ სააკაშვილი, 2013 წ. : "როდესაც ამბობენ, რომ ვერტმფრენები სააკაშვილს საკატაოდ უნდოდაო, ცრუობს მთავრობა, რამე მოხდეს, ერთივერტმფრენი არ არის, რომელიც ავა და მაგალითად, სადმე გაჭედილ მოგზაურს გამოიყვანს'' – ეს არის ფრაგმენტი საქართველოს პრეზიდენტის მიხეილ სააკაშვილის კომენტარებიდან საქართველოს მთავრობის იმ ინიციატივისადმი, რომლის თანახმად, სახელმწიფოს საკუთრებაში არსებული ფრანგული წარმოების ორი ვერტმფრენის გაყიდვა იგეგმება.
სააკაშვილის თქმით, აღნიშნულ საფრენ აპარატებს ქვეყნისთვის სტრატეგიული მნიშვნელობა აქვს და მისი გაყიდვა ან რუსული წარმოების საფრენი ტექნიკით ჩანაცვლება არ შეიძლება.
"როცა ჩვენ ამ ვერტმფრენებს ვყიდულობდით, მედვედევი და ლავროვი საფრანგეთს სანქციებით დაემუქრნენ თუი სინი ამ ვერტმფრენებს საქართველოს მისცემდენ. სწორედ ამიტომ, ჩვენ მივეცით მას სამოქალაქო სახე. ახლა რომ აჩვენებენ- სამოქალაქო უნდოდა, თავისთვის უნდოდა, სასეირნოდ უნდოდა, საკატაოდ უნდოდა სააკაშვილსო, ცრუობს მთავრობა. ეს იყო ორმაგი დანიშნულების ვერტმფრენები.საქართველოს ახლა ვერტმფრენი ჰაერივით სჭირდება, ჩვენ ვართ მაღალმთიანი ქვეყანა. მე ვიყავი მთაში და იქ რომ რამე მოხდეს, ერთი ვერტმფრენი არ არის, რომელიც ავა და მაგალითად, სადმე გაჭედილ მოგზაურს გამოიყვანს ან გადაიყვანს თუნდაც ჯარი სნაწილს, ან გადაიყვანს პოლიციის ნაწილს. ეს არის ჩვენი ერთადერთი შანსი და ამ ერთადერთ შანსსაც გვართმევენ. ბარემ მაშინ, კრემლს გადააწყვეტიონ ყველაფერი, რაღაზე გვქვია ჩვენ მაშინ საქართველოს მთავრობა?! ''