დღეს თბილისში, სპორტის სასახლეში 14:30 საათზე მუშაობა დაიწყო მოძრაობა სახელმწიფო ხალხისთვის პირველმა ყრილობამ.
ამ წუთებში ყრილობის მონაწილეებს სიტყვით მიმართავს მოძრაობის ლიდერი პაატა ბურჭულაძე. იგი აცხადებს, რომ მისი მოძრაობის მიზანია არა უბრალოდ ქართული პოლიტიკური სპექტრის შევსება, არამედ ხელისუფლებაში მოსვლა. ამ დროისათვის მან უკვე გააჟღერა მოძრაობის პირველი გზავნილები: მოძრაობის მიზანია ქვეყნის გამოყვანა არსებული პოლიტიკურ-ეკონომიკური კრიზისიდან, დასავლური პოლიტიკური ორიენტაცია და დეოკუპაციისთვის მშვიდობიანი მოლაპარაკებები.
ყრილობის გახსნამდე მოძრაობის ლიფდერებმა მედიასთან საუბარში აღნიშნეს, რომ ახალი პარტია პოლიტიკურ სივრცეში ახალი სახეებით შევა. მათი ვინაობა დღეს გახდება ცნობილი. დღეს დამტკიცდება პარტიის ხელმძღვანელობაც.
ახალი მოძრაობა სხვა პოლიტიკურ პარტიასთან გაერთიანებას, მათ შორის არც წინასაარჩევნოდ, არ გეგმავს.