პოლიტოლოგ რამაზ საყვარელიძის შეფასებით, ნაცმოძრაობაში მიმდინარე პროცესები მამათა და შვილთა დაპირისპირებას წარმოადგენს.
მისი თქმით, ნაციონალური მოძრაობიდან "გირჩის" და გიორგი ვაშაძის გამოყოფა, შიდა დაპირისპირებაზე მიანიშნებს და ასევე იმაზე, რომ პარტიის პოლიტიკა პარტნიორებთან ურთიერთობისას ძალადობრივია.
როგორც პოლიტოლოგმა პრესკონფერენციაზე განმარტა, გიორგი ვაშაძე ნაციონალურ მოძრაობაში ერთ-ერთი აქტიური პოლიტიკოსი იყო, ამიტომ, არ გამორიცხავს, ვაშაძის მიერ ახალი პოლიტიკური მოძრაობის ჩამოყალიბების შემთხვევაში, მან ნაცმოძრაობას ახალგაზრდული ფრთა წაართვას, რაც არჩევნების შედეგებში შესაბამისად აისახება.
საყვარელიძის თქმით, თუ პარტიაში შიდა წნეხი მაღალია, წინა საარჩევნო პერიოდში ნაცმოძრაობიდან სხვა წევრების წამოსვლაც გამორიცხული არაა.
ამასთან, პოლიტოლოგის ვარაუდით, წარსული გამოცდილებიდან გამომდინარე, ნაცმოძრაობაში მიმდინარე პროცესებმა შესაძლოა, წინა საარჩევნო პერიოდში სხვა პარტიებშიც იჩინოს თავი.
მედიანიუსი