შოთა მესხიას სახელობის ზუგდიდის სახელმწიფო სასწავლო უნივერსიტეტში საქართველოს კომუნიკაციების ეროვნულ კომისიასთან მოქმედი მომხმარებელთა ინტერესების საზოგადოებრივი დამცველის სამსახურის ორგანიზებით უნივერსიტეტის სტუდენთებთან და პროფესორ-მასწავლებელთა შეხვედრა გაიმართა. შეხვედრის მთავარი თემა საზოგადოების ცნობიერების ამაღლება სატელეკომუნიკაციო დარგში მომხმარებელთა უფლებებისა და ციფრული მაუწყებლობის საკითხებზე იყო. მსგავსი რეგიონალური შეხვედრები მიზნად ისახავს სატელეკომუნიკაციო დარგის მომხმარებელთა ცნობიერების ამაღლებას, მათი უფლებებისა და მომსახურების მიმწოდებელი კომპანიების ვალდებულებების შესახებ. შეხვედრის განმავლობაში უნივერსიტეტის სტუდენტებმა და პროფესორ-მასწავლებელმა სრული ინფორმაცია მიიღეს ციფრული მაუწყებლობის, სატელევიზიო სიგნალის მისაღებად საჭირო აპარატურისა და სხვა სიახლეების შესახებ. ცნობისათვის, მიმდინარე წლის 15 ივნისიდან საქართველო ანალოგური მიწისზედა მაუწყებლობიდან ციფრულ მაუწყებლობაზე გადადის. აღნიშნული ცვლილების შემდეგ მაყურებლებს საშუალება ექნებათ უფრო მეტ სატელევიზიო არხს უყურონ მაღალ აუდიო-ვიდეო ხარისხში