აფეთქება დიღომში – წინასწარი ინფორმაციით შემთხვევა სავარაუდოდ გაზის გაჟონვამ გამოიწვია. დაშავდა 4 ადამიანი, ერთი მათგანის მდგომარეობა მძიმეა. დაშავებულთაგან ერთი დამწვრობის ცენტრშია მოთავსებული, ერთი კი იაშვილის კლინიკაში. მოსახლეობას საცხოვრებელი კორპუსი დაატოვებინეს. აფეთქების ტალღა იმდენად ძლიერი იყო, რომ გვერდითა კორპუსების ფანჯრები ჩაამსხვრია. შემთხვევა დიღმის მასივის მეოთხე კვარტალში მოხდა. „უცბად ბომბი, რომ აფეთქდება ეგეთი ხმა, გამოვიხედეთ და მინები მოფრინავდა,”-აცხადებენ ადგილობრივები. ცნობილი ხდება, რომ ბინა მესაკუთრემ რამდენიმე დღის წინ გააქირავა. ადგილზე ამ წუთებში სამაშველო სამსახური მუშაობს, რის შემდეგაც შემთხვევისა ადგილს კრიმინალური პოლიციის თანამშრომლები და ექსპერტები დაათვალიერებენ.