"ევროპული საქართველოს" წევრი გიგა ბოკერია თავდაცვის მინისტრისგან სალომე ზურაბიშვილის განცხადების შეფასებას ითხოვს.
დეპუტატს აინტერესებს რჩება თუ არა ლევან იზორია იმ პოზიციაზე, რომ ნატო-ს წვრთნები საქართველოში მნიშვნელოვანი მოვლენაა. ბოკერიამ მინისტრს სთხოვა პრეზიდენტის განცხადებაზე საკუთარი აზრი მკაფიოდ დააფიქსიროს.
„გთხოვთ, შეაფასოთ პრეზიდენტ ზურაბიშვილის განცხადება, როდესაც მან ნატო-ს წვრთნები საქართველოში შეაფასა საფრთხედ და არაფრის მომტანად. თუ გნებავთ ციტატას გადმოგცემთ. და თქვენი აზრი თუ არ შეცვლილა და მე იმედი მაქვს რომ არ შეცვლილა, ემთხვევა ჩვენსას, რომ ეს არის კარგი საქართველოსთვის. ხომ? და გთხოვთ, ამაზე მკაფიო პასუხი დააფიქსიროთ. როგორ აფასებთ ყველა იმ პოლიტიკურ ფიგურას ვინც თავს ესხმის ნატოს წვრთნებს საქართველოში,“-განაცხადა გიგა ბოკერიამ.