დონალდ ტრამპის ადმინისტრაციის 2020 წლის ბიუჯეტის პროექტით, „რადიო თავისუფლების“ საერთაშორისო მაუწყებლობის დაფინანსება 22%-ით მცირდება, რაც იმას ნიშნავს, რომ სამი ბიურო დაიხურება. ამ სამიდან ერთ-ერთი ქართული ბიუროა.
ბიუჯეტის პროექტში აღნიშნულია, რომ 2020 წელს „რადიო თავისუფალი ევროპა/რადიო თავისუფლების“ ბიუჯეტი 87 მილიონ აშშ დოლარს შეადგენს. გათვალისწინებულია ქართული, თათარ-ბაშკირული და ჩრდილო-კავკასიური სამსახურების დახურვა. პროექტის მიხედვით, ბალკანეთის სამსახურში უნდა გაუქმდეს მონტენეგროს და მაკედონიის მიმართულებები.
2020 წლის ბიუჯეტის პროექტი აშშ-ს კონგრესს გადაეცემა განსახილველად, რაც არაერთ ცვლილებას განიცდის განხილვის ეტაპებზე.