მმართველ გუნდში მიმდინარე მოვლენებს სოციალურ ქსელში ეხმაურება საქართველო მესამე პრეზიდენტი. მიხეილ სააკაშვილი მიიჩნევს, რომ ქვეყნის მთავარი პრობლემა არა უმრავლესობის რომელიმე დეპუტატია, არამედ ბიძინა ივანიშვილი, რომელსაც ის "თოჯინების თეატრის დირექტორს" და "კარაბას-ბარაბასს" უწოდებს.
„ეს რა სამარცხვინო მარიონეტების თეატრია პარლამენტში… დღეს ასე ასჯერ ახსენეს ჩემი სახელი სასამართლოსთან მიმართებაში და თითქმის არ ახსენეს ამ თოჯინების თეატრის დირექტორის სახელი.
რა კობახიძე, რა მურუსიძე, მდიარაძე და სხვა ბურატინოები, რა მალვინა ბესელია, კარაბას-ბარაბასია მოსაშორებელი. და თუ რომელიმე ჩემი თანამებრძოლი კომპლექსდება "9 წლით" მინდა მეათასედ გავიმეორო – ის იყო ყველაზე საამაყო 9 წელი საქართველოს უახლოეს ისტორიაში!
ის, ვინც მშვიდად უყურებს აღმშენებლობის 9 წლის ნგრევის და უბედურების წლებად გამოცხადებას, იმას მე პირადად, ჩემს თანამებრძოლად ვერ ჩავთვლი“ – წერს მიხეილ სააკაშვილი